AẓawanIdlesLezzayerTaddart-iwtimetiTutlayt

Tizi Uzzu: Lehlak tyemmatt n ucennay Matoub Lounes iswxer leqdic uqeyyem n wayla-as

ayella

Tettwawexxer tbeddi n uqeyyem n wayla n ucennay ameṛḥum Matoub Lounes, d tin ay ssefran naqal ass n ukras (laṛebɛa) deg texxamt n wakal n tnefrut n Tizi Uzzu, yernu ad d-tili ass n 7 Wamber, ɣef wakken ay aɣ-d-xebbren din.

Ssebba n uwexxer-a d aɣabi n yemma-s n “Uɣewwaɣ”, imi ay attan d tamuḍint deg usegnaf, ɣef wakken ay d-tenna Tesbeddit n Matoub Lounes yernu twekked-it-id daɣ tmeṭṭut n umeṛḥum, Nadia Matoub-Barhimi, ay yessutren asemmi n umazzay ara iqeyymen ayla n Matoub Lounes ay tenɣa yiwet n tegrawt taremmaɣt ass n 25 Yunyu 1998.

Malika Matoub, weltma-s n Lounes, teḥdeṛ din yernu tenna-d i Tnegga n Yisalan n Lezzayer dakken nettat d yemma-s, s yisem-nsent d tiwṛitin tinegtiyin n 77% seg wayen ay d-yeǧǧa unaẓur-a, fkant amur-nsent i Tesbeddit n Matoub ay d-yelhan s uḥraz n tkatut n Uɣewwaɣ.

Twekked-d Malika Matoub dakken aqeyyem-a ad d-iḥaz akk ayla n unaẓur-a ay iwten ɣef timmuzɣa d tugdut, yernu tettekka deg waya tkeṛṛust-nni aydeg yella mi t-nɣan, allalen-nnes n uẓawan d yirusfusen-nnes. Malika Matoub, yellan daɣ d taselwayt n Tesbeddit n Matoub, tenna-d dakken « tigemmi-a d ayla n tkatut tamazdayt », yernu d Tasbeddit d usalay ay d-yettwasbedden seg melmi kan, d nitni ara d-yelhun s uḥraz d ummesten n tgemmi-a i lmend n ummekti n Uɣewwaɣ i lebda.

Source offeciel (APS)

Tags
Afficher plus

Articles similaires

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *