AddalLezzayer

Tamɣunt 1ut: Tiɣlamin tamezwarut d tis snat deg umihi n lexṣara beṛṛa i yinurar-nsent

addal

LEZZAYER TAMANEƔT – Deg tgara n yimalas-a ara d-ilint temliliyin n wass wis 16 n Telɣuɣa n Temɣunt 1ut, gar-asent tin n USM Lezzayer ara yuraren mgal DRB Taǧnant (yellan ɣef yiri n uɣelluy).

Deffir ma yeḥbes wurar ugar n wayyur yernu llant-d snat n tuzzyiwin timezwura n Teqbuct n Lezzayer, ad qqlent teɣlamin n Temɣunt Tamezwarut ɣer wurar deg uḥric wis sin n tsemhuyt akken ad awḍent ɣer yiswiyen-nsent.

USM Lezzayer (d tamezwarut deg usettef s 33 n tenqiḍin) tɛedda ɣer tis 8 n tneggarut deg Teqbuct n Lezzayer yernu terna ES Sḍif deg telɣuɣa s 1 ɣer 0. Tikkelt-a, ad temqabal d DRB Taǧnant (yellan d tis 15 deg usettef s 14 kan n tenqiḍin).

Ma d Tameḍrit Taddalant n Leqbayel (d tis snat s 26 n tenqiḍin), tessuffeɣ-itt teɣlamt n IRB Ɣris seg Teqbuct n Lezzayer yernu yessefk ad teddu ɣer Beccaṛ akken ad twet uzzal mgal teɣlamt n JS Ṣṣawra (d tis 4 s 23 n tenqiḍin), d tin ay ixeṣren kan tikkelt deg usarir-nnes n 20-Ɣuct-1955 i tikkelt tamezwarut deg 4 n yiseggasen.

Iknaṛiyen yessefk ad d-fken akk ayen sɛan akken ad d-ḥeṛṛen agmuḍ yelhan yernu ad qqimen deg umkan wis sin. Ma d taɣlamt n Ṣṣawra iswi-nnes ad taweḍ ɣer umkan wis 3.

ES Sḍif (tis 3 s 24 n tenqiḍin) ad teddu ɣer utaram anda ara turar mgal USM Belɛebbas (tis 13 s 15 n tenqiḍin).

 

Tags
Afficher plus

Articles similaires

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *