LezzayerTassartit
A la Une

Asqamu amenḍawan yemlal i wakken ad d-yetbet ilem n umḍiq n uselway n Tegduda

LEZZAYER  TAMANEƔT – Asqamu amenḍawa yemlal, ass n ukras (larebɛa) deg Lezzayer, i wakken ad yetbet yilem n umḍiq n uselway n Tegduda, seg yettaxxer ass n usinas (ttlata) Mass Abdelaziz Bouteflika.

Teḍra-d temlilit-a ddaw tselwit n Tayeb Belaiz, aselway n Usqamu amenḍawan, am wakken i d-yers deg umagrad 102 n Tmenḍawt i d-yettinin dakken ‘’ma yella yettaxxer neɣ yemmut uselway n Tegduda, Asqamu amenḍawan ad yemlil d azref-is sakin ad yetbet ilem n umḍiq n Uselway n Tegduda.

Ad yesselɣu dindin arra n tseɣrut n yilem n umḍiq i Umni ara yemlilen d azref-is. Aselway n Usqamu n Uɣlan ad yeṭṭef amdiq n Uɣella n Uwanak deg tenzagt n tẓamraw (90) n wussan, ideg ara ddsent tefranin tiselwayanin, ẓret dakken Aɣella n Uwanak, i sersen, ur izemmer ara ad yili d amazwar ɣer tselwit n Tegduda’’.

Mass Abdelaziz Bouteflika yezmel s wudem unṣib, ass n usinas (ttlata), i uselway n Usqamu, aɣtas-is i wakken ad yettixxer seg umḍiq-is, s yisem-is d aselway n Tegduda.

Tags
Afficher plus

Articles similaires

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *