asegmiLezzayer
A la Une

Asdwel: ad ḍrun yikayaden iɣelnawen deg uzemz yettwasebḍen

Asdwel

LEZZAYER  TAMANEƔT – Aneɣlaf n Usegmi aɣelnaw, Abdelhakim Belabed yenna-d, ass n usamas (lḥedd) deg Lezzayer, dakken ikayaden iɣelnawen n taggara n useggas aɣurbiz i kraḍ n yiswiren n uselmed ad ḍrun deg uzemz i nesbeḍ, seg wass n 29 mayu ɣer 20 yunyu i d-iteddun.

Deg yiwen n umyiger aɣelnaw n yinemhalen n usegmi, yesseddi-d uneɣlaw dakken ‘’ikayaden yerzan ugar n sin n yimelyunen n yimazwaren ara yesɛeddin ikayaden deg wazal n 18.600 n wammas d ayen yellan d imgared, acku yusa-d deg yiwen n wattal yeḥaǧen asegrew akked tɛessast n wakk imdanen akken ad nezger deg tɣellist’’.

Ɣef wakken i d-yers deg teswast i yesbeḍ uɣlif akked Tuddsa taɣelnawt n yikayaden akked umiswer (ONEC), ikayaden n lbak ad ḍrun seg 16 ɣer 20 yunyu i d-iteddun, ma d-wid n uswir alemmas n usegmi seg 9 ɣer 11 yunyu akked wid n taggara n uswir amenzu seg 29 mayu, deg wayyur n tuẓumit n Rmḍan.

Tags
Afficher plus

Articles similaires

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *