Lezzayer

Asalay Aɣelnaw n Wemjahed yesfugul amulli wis 62 n tmiwta n Hod Chica (Wad Suf)

Yessuddes Usalay Aɣelnaw n Wemjahed, ass n ttlata, yiwen n usarag n umezruy deg ukatar n wesfugel n umulli wis 62 n tmiwta n Hod Chica ay d-yellan mgal yiɣallen ihersanen ifṛensisen gar 8 d 10 Ɣuct 1955 deg twilayt n Wad Suf.

Deg yiwet n tagga wezzilen, yenna-d wemjahed n Twilayt Tamezruyant Tis 6, Ali Boughzala, dakken tamiwta-a ttekkan deg-s 29 n yemjahden yernu tella-d d tiririt i ddiɛaya n Fṛansa ay d-yennan dakken Aneẓruf n Ldzayer ur t-yerzi ara wemgaru n weslelli d tedyanin ay yellan la d-ttilint deg ugafa n tmurt.

Tamiwta n Hod Chica ay d-yellan ddaw ṛṛay n umeɣrus Lakhdar Hamma d umalal-nnes, Abdelmalek Guerid (d awḥid ay mazal yedder ar ass-a), d yiwet seg tmiwtiwin tiqesḥanin akk mgal yiɣallen ihersanen ifṛensisen deg Uneẓruf.

Tamezzayt n yemjahden tebḍa ɣef 3 n tegrawin yernu tenṭeg ɣef yiwet n teqcelt deg temnaḍt n Negrin, sakkin tkemmel anṭag-nnes deg Bir Boutina, uqbel ma tessewseɛ-itt ɣer wakk tamnaḍt n Wad Suf, ɣef wakken ay d-yenna wemjahed-a.

Iɣallen ihersanen ɣran-d i tlijunt tawerdanit akken ad nnaɣen deg tmiwta-a, d acu kan, acengu yesṛuḥ aṭas n yiɣallen, deg wakud aydeg 24 n yimeɣrusen ay yeɣlin deg yiger n yiseɣ, gar-asen Lakhdar Hamma, ɣef wakken ay d-yenna wemsarag-a.

Afficher plus

Articles similaires

Laisser un commentaire

Votre adresse de messagerie ne sera pas publiée. Les champs obligatoires sont indiqués avec *